प्रदेश र स्थानीय तहका कार्यरत झण्डै ६० हजार कर्मचारीको अभिलेख पहिलो पटक व्यवस्थापन हुने भएको छ ।
बिज्ञापन
राष्ट्रिय किताबखाना (निजामती) ले गत कात्तिक १६ देखि २७ गतेसम्म सात वटै प्रदेशमा प्रदेश र स्थानीय सेवाका कर्मचारीको सूचना व्यवस्थापन प्रणाली हस्तान्तरण गरेसँगै प्रदेश र स्थानीय तहमा कार्यरत कर्मचारीको व्यक्तिगत सूचना प्रणाली (पिआइएस) कार्यान्वयनमा आएसँगै प्रदेश र स्थानीय तहमा कार्यरत रहेका कर्मचारीहरु अभिलेख व्यवस्थापन हुन लागेको हो ।
बिज्ञापन
नेपालको सार्वजनिक प्रशासनलाई आधुनिकीकरण गर्ने लक्ष्यका साथ राष्ट्रिय किताबखाना (निजामती)ले कर्मचारी सूचना प्रणाली (पर्सनल इन्फर्मेसन सिस्टम)लाई संघीय संरचनाअनुरुप विस्तार र हस्तान्तरण गरेसँगै ती प्रदेशका लोकसेवा आयोगले प्रदेश र स्थानीय तहमा भर्ना गरेका,स्थानीय तहमा समायोजन भएका कर्मचारी, र साबिक स्थानीय निकायका कर्मचारी गरी ६० हजारभन्दा बढी कर्मचारीको अभिलेख व्यवस्थापन कार्य अगाडि बढेको हो ।
समायोजनपछि प्रदेश र स्थानीय तहमा पुगेका,ती तहमा भर्ना भएका झण्डै ६० हजार कर्मचारीहरुको चिन्ता अबदेखि दुर भएको छ । जस अनुसार कोशी प्रदेशका १३७ स्थानीय तहमा समायोजन भएका ४,७४६ कर्मचारीका अलवा अन्य सेवाका ३०३ गरी ५ हजार ४९ कर्मचारी प्रत्यक्ष लाभन्वित हुनेछन् ।मधेश प्रदेशका १३६ स्थानी तहमा कार्यरत ३ हजार ९ सय ४३ तथा समायोजन भएका ६४३ कर्मचारी,बागमती प्रदेशका ३ महानगर,१ उप महानगर,४१ नगरपालिका,७४ वटा गाउँपालिका गरी ११९ स्थानीय तहका ७ हजार ९९६ कर्मचारी प्रत्यक्ष लाभन्वित हुनेछन् । यसैगरी सातै प्रदेशलाई यस्को जिम्मेवारी दिएसँगै सार प्रदेश र स्थानीय तहमा समायोजन भएका ४२ हजार, संघ र प्रदेश लोकसेवामार्फत नियुक्त गरिएका १२ हजार, स्थानीय तहका अन्य सेवामा कार्यरत १२ हजार कर्मचारी गरी झण्डै ६६ हजार कर्मचारी प्रत्यक्ष लाभन्वित हुने भएका हुन ।
बिज्ञापन
परम्परागत कागजी अभिलेखबाट डिजिटल प्रणालीमा रुपान्तरणको यात्रामा किताबखानाले संघीयता कार्यान्वयन गर्दै संघीय, प्रदेश र स्थानीय तहमा अधिकार प्रत्यायोजन गरेको हो ।
निजामती कर्मचारीहरूको व्यक्तिगत तथा सेवा सम्बन्धी विवरण राख्ने उक्त सिस्टमले कर्मचारी व्यवस्थापनमा महत्त्वपूर्ण भूमिका खेल्ने गर्दछ । सिस्टममार्फत् कर्मचारीको नियुक्तिदेखि अवकाशसम्मका सबै प्रक्रियाको अभिलेख राख्ने, सरुवा, बढुवा, निवृत्तिभरण, उपदान जस्ता सुविधाहरूको व्यवस्थापन गर्ने तथा नीति निर्माणका लागि आवश्यक तथ्यांक उपलब्ध हुन्छ ।
यसका अलवा काम गर्ने कार्यालय, कर्मचारीको सङ्गठन तथा पद दर्ता, उक्त पदमा कार्यरत कर्मचारीको सङ्केत नम्बर (सिटरोल दर्ता) कर्मचारीको एक कार्यालयबाट अर्को कार्यालयमा भएको सरुवा बढुवा भएको मिति, कर्मचारीले सेवा अवधिभरमा प्राप्त गरेका पुरस्कार, तालिम, सञ्चित बिदा, व्यक्तिगत विवरण, नाम थर, ठेगाना, कर्मचारीले मान्ने धर्मलगायतका विवरण एकद्वार प्रणालीबाट प्राप्त गर्न सकिन्छ । कर्मचारीको मृत्युपछि कर्मचारीको परिवार निवृत्तिभरणका लागि समेत चाहिने अभिलेख एकद्वार प्रणालीबाटै प्राप्त गर्न सकिने भएको छ ।
सातै प्रदेशमा हस्तान्तरण भएका प्रणालीको लागि प्राविधिक सहयोग, मर्मत–सम्भार तथा आवश्यकता अनुसार परिमार्जन मात्र गर्नेछ। प्रदेशहरूले भने आफ्ना कर्मचारीको सम्पूर्ण विवरण आफैं अद्यावधिक गर्नेछन्। प्राविधिक स्वायत्तताले प्रदेश सरकारको प्रशासनिक क्षमता अभिवृद्धि हुने, कर्मचारी व्यवस्थापन थप सरल, पारदर्शी र प्रभावकारी बन्ने अपेक्षा गरिएको छ।
